១០១. ព្រះបន្ទូលទ្រង់

His Word 
បទភ្លេង និងទំនុកៈ លោក សម សារិន ១៩៨៤

១- ព្រះបន្ទូលទ្រង់មានឫទ្ធិអនេក     កសាងផ្ទៃមេឃ     មានពេញដោយសិរីល្អ
មើលថ្ងៃ   ខែ   និងផ្កាយ        ពន្លឺរះឡើងបវរ        ទាំងអស់ត្រេចចរ     
តាមផ្លូវទ្រង់រៀឱ្យដើរ  ។

២- ព្រះបន្ទូលទ្រង់មានឫទ្ធិខ្លាំងក្រៃ    បង្កើតផែនដី        និងរបស់សព្វសារពើ
មានសព្វសត្វរវើក           ក្នុងទឹកលើគោក ហោះហើរ       តិណជាតិព្រៃឈើ
ឱ្យដុះកើតផលតាមពូជ  ។

៣- ព្រះបន្ទូលទ្រង់នោះមានអំណាច    បំបាក់ចិត្តកាច    ចិត្តធំរឹងរូសប្រោសរួច
កាលទ្រង់មានបន្ទូល             មានអំណាចឆ្នៃចិត្តខូច         បំផ្លាស់ឱ្យដូច
ហឬទ័យស្រឡាញ់នៃព្រះ  ។

៤- ព្រះបន្ទូលទ្រង់ប្រោសឱ្យសះជា      ជម្ងឺគ្រាំគ្រា           ក្រោមអំណាចបាបកម្មក្រាស់
ទោះបីឃ្លង់               ថ្លង់ខ្វាក់ ព្រះបន្ទូលជាថ្នាំផ្សះ   ឱ្យជាស្រឡះ
ស្នាមចាស់ក្នុងចិត្តជ្រះអស់  ។

៥- ព្រះបន្ទូលទ្រង់ឈ្នះគ្រប់អំណាច       ពួកខ្លាំងកោងកាច    ត្រូវដួលចុះឥតងើបសោះ
ខ្មាំងកោតខ្លាចញាប់ញ័រ           ពេលឮព្រះបន្ទូលរស់       ដកឃ្លារត់ដោះ
ដោយចាញ់អំណាចចេស្តា  ។

៦- ព្រះបន្ទូលទ្រង់          ជាតួអង្គព្រះ ដ៏មានតេជ      គឺអង្គព្រះរាជបុត្រា
ទ្រង់មាននាមយេស៊ូវ           សង្គ្រោះមនុស្សក្នុងលោកា    ជួយអស់អ្នកណា
ព្រមស្តាប់ហើយជឿតាមទ្រង់ ៕