០១. តើឱ្យខ្ញុំថ្លែងពីអ្វីទៀត?

What More Can I Say? 
បទភ្លេង និង​ទំនុកៈ លោក សម សារិន, ១៩៨៤

១. តើឱ្យខ្ញុំថ្លែងពីអ្វីទៀត   ទោះមានអណ្តាត មួយពាន់ក៏មិនល្មម
ថ្លែងពីទ្រង់    ឱ្យស្មើនឹងភាពឧត្តម       នៃទ្រង់ជាម្ចាស់យើងខ្ញុំ                    
ជាម្ចាស់លើគ្រប់ទាំងអស់។

២. មើលផ្ទៃមេឃឥតមានព្រំដែន  ហ្វូងផ្កាយសល់សែន   ភ្លឺចាំងពីឋានខ្ពស់
ទ្រង់បង្កើត    ហើយទ្រង់គ្រប់គ្រងទាំងអស់   បើខ្ញុំប្រៀបធៀបរបស់
យល់ជាក់ថាទ្រង់អស្ចារ្យ។

៣. តើឱ្យខ្ញុំប្រៀបផ្ទឹមម្តេចបាន   រកព្រះណាគ្មាន    ដូចទ្រង់គ្រប់ចេស្តា
ភាពបរិសុទ្ធ   សុចរិតឥតល្អៀងឡើយណា  ព្រះទ័យស្រឡាញ់មេត្តា
ប្រោសលោះខ្ញុំដោយព្រះគុណ  ។

៤. ខ្ញុំមិនអាចផ្ទឹមទ្រង់បានទេ  ត្បិតខ្ញុំគ្រាន់តែ ជាដីដែលទ្រង់សូន
ជាប់មានបាប តែទ្រង់រើសឡើងជាកូន  ស្គាល់ទ្រង់ជាក់ច្បាស់ក្នុងខ្លួន
ដោយព្រះវិញ្ញាណសម្តែង៕