សុខភាព ១ យុទ្ធសាស្រ្តដែលធ្វើឲ្យមានខុសភាពល្អ | Voice of Hope Studio

Health & Welfare Chapter 01 Introduction - How to be healthy | Voice of Hope Studio

បញ្ជីមនុស្ស១០០នាក់​ដែលគេបញ្ជាក់ថាចាស់ជាងគេនៅលើពិភពលោកសម័យទំនើបនេះ​ មានលំដាប់ពី ១១៣ឆ្នាំ ដល់ ១២២ ឆ្នាំ។ ក្នុងចំណោមមនុស្សដែលមានអាយុជាង ១០០ ឆ្នាំទាំងនោះ មានតែម្នាក់គត់ដែលនៅរស់នៅដើមឆ្នាំ ២០១៤ ប៉ុន្តែ នឹងមានអ្នកមានអាយុច្រើនដទៃទៀតជាអាចបង្ហាញខ្លួននៅពេលអនាគត។ ថ្នាំពេទ្យសន្យាថានឹងបង្កើន​ អាយុរបស់មនុស្សឲ្យបានកាន់តែច្រើនតាមការរំពឹងទុកនៅទស្សវត្សរ៍ខាងមុខ។ ទម្រាំដល់ពេលនោះ លោកអ្នកអាចធ្វើកិច្ចការដែលជាចំណែករបស់លោកអ្នកដើម្បីឲ្យមានអាយុកាន់តែវែង និងមានជីវិតកាន់តែសុខសាន្ត។ នៅពេលដែលការសិក្សាទៅលើកូនភ្លោះបានបង្ហាញឲ្យឃើញថា រយៈពេលនៃអាយុរបស់មនុស្ស ២០ ទៅ ៣០ភាគរយ ទាក់ទងទៅនឹងពន្ធុវិជ្ជា (genetics) (ដែល​មានន័យថា តាមពូជ ឬពីកំណើត)  រីឯការសិក្សាដទៃផ្សេងៗទៀត បានបង្ហាញថា ការ​ដែល​ មានអាយុវែង គឺពឹងផ្អែកលើរបៀននៃការរស់នៅភាគច្រើន។​

តើលោកអ្នក​ដឹងទេ ពួកអ្នកវិទ្យសាស្រ្ដ​បានថា

ថ្នាំពេទ្យទំនើបបានបង្កើតបច្ចេកវិទ្យាទាន់សម័យជាច្រើនដើម្បីបង្កើន សុខភាពរបស់មនុស្ស។​ តែនៅតែគ្មានអ្នកណាដឹង គ្មានអ្នកណាអាចនិយាយបានថា     បច្ចេកវិទ្យាទំនើបនេះ នឹងមានជ័យជំនះ នៅក្នុងសង្គ្រាមជាមួយ​នឹងជំងឺផ្សេងៗឬទេនោះឡើយ។​ ការស្វែងរកសុខភាពល្អ​គឺជាការពិបាក ស្មុគ្រស្មាញ​ជា​រៀងរាល់ថ្ងៃរបស់រមនុស្សម្នាក់ៗ។ ប្រសិន​ បើអ្នកចង់បានតួលេខ នេះគឺជារឿងពិតមួយចំនួនៈ

s ចំនុចទី១និយាយពីៈ ទីផ្សារនៃកិច្ចការថែរក្សាសុខភាពពិភពលោក ដែលគេបានប៉ាន់ប្រមាណនៅឆ្នាំ២០១៥នេះ មានរហូតដល់ទៅ ៣០០ សែនកោដិដុល្លារ ដែលធ្វើឲ្យមុខជំនួញខាងថែរក្សាសុខភាពក្លាយទៅជាផ្នែកមួយដ៏ធំជាងគេបំផុត នៃសេដ្ឋកិច្ចពិភពលោកនេះ។ នៅក្នុងប្រទេសកំពុងអភិវឌ្ឍន៍​ គឺ​ប្រទេស​ក្រី​ក្រ ការថែរក្សាសុខភាពប្រើប្រាស់ថវិការបស់ប្រទេសនីមួយៗ អស់រហូតដល់ ១០ ភាគរយ។​ 

s ចំនុចទី២គឺៈ ផ្សារឱសថនៅលើពិភពលោកនេះមានតម្លៃជាង​ ៣០០ កោដិ ក្នុងមួយឆ្នាំ។ ក្រុមហ៊ុនថ្នាំពេទ្យ១០ ដែលធំជាងគេ (៦នៅសហរដ្ឋអាមេរិក និង ៤ទៀត នៅអឺរ៉ុប) លក់បានជាង ១០ កោដិដុល្លារ ក្នុងមួយឆ្នាំ ហើយទទួលបានប្រាក់ចំណេញរហូតដល់ ៣០ ភាគរយ។  ម្យ៉ាងវិញទៀត តម្លៃនៃការផលិតថ្នាំមួយមុខមានរហូតដល់ទៅជាង ១.៣ កោដិដុល្លារឯណោះ។

អស់លោក​អ្នក​ស្ដាប់ជាទី​មេត្រី! បើយោងតាមអង្គការសុខភាពពិភពលោក (W.H.O) នៅឆ្នាំ ២០០៦ នៅទូទាំងពិភពលោក មានអ្នកបំរើការផ្នែកសុខភាពចំនួន ៥៩​ លាននាក់ រួមមាន គ្រូពេទ្យ ១៩.២ លាននាក់ គិលានុប្បដ្ឋាក/គិលានុប្បដ្ឋាយិកានិងឆ្មប មាន​ចំនួន ១៩.៤ លាននាក់ ពេទ្យ​ធ្មេញ និងបុគ្គលិកផ្នែកធ្មេញផ្សេងៗទៀតមាន​ចំនួន ១.៩ លាននាក់ ឱសថការី និងបុគ្គលិកផ្នែកឱសថផ្សេងៗទៀតមាន​ចំនួន​ ២.៦ លាននាក់ និងបុគ្គលិកសុខភាពប្រចាំសហគមន៍ មាន​ចំនួន ១.៣ លាននាក់។​ ចំនួននេះប្រហែលជាឡើងខ្ពស់ជាងនេះ នៅពេលសព្វថ្ងៃ។ ទោះបីជាយ៉ាងនេះក៏ដោយ ក៏ពិភពលោកនេះនៅខ្វះ        វេជ្ជបណ្ឌិត គិលានុប្បដ្ឋាក/គិលានុប្បដ្ឋាយិកានិងឆ្មប ព្រមទាំងបុគ្គលិកផ្សេងៗទៀងជាច្រើន។

s ចំនុចទី៣គឺៈ និយាយពីការឥតប្រយាជន៍ ការឈឺចាប់ផ្សេងៗនៅតែជាបញ្ហាធ្ងន់ធ្ងរនៅលើពិភពលោកដដែល អ្នកដែលត្រូវការព្យាបាលបណ្តោះអាសន្ន រាប់ទាំងការបំបាត់ការឈឺចាប់ផងនោះ ទទួលបានការព្យាបាលតែមួយក្នុង ១០ តែប៉ុណ្ណោះ។

s ចំនុចទី៤គឺៈ យោងតាមការសិក្សាមកពីមជ្ឈមណ្ឌលសាកលវិទ្យាល័យ ហ្ជច ថោន ទៅលើការសិក្សាអប់រំនិងថាមពលពលកម្ម (ឬសន្ទុះនៃកម្លាំងធ្វើការងារ) បានប៉ាន់ប្រមានថា គ្រាន់តែនៅសហរដ្ឋអា

មេរិក​​​មួយប៉ុណ្ណោះ ឧស្សាហកម្មផ្នែកសុខភាពត្រូវតែបង្កើតការងារថ្មីៗ ចំនួន ៥.៦ លាន នៅឆ្នាំ ២០២០ ដើម្បីតម្រូវទៅតាមការចម្រើនលូតលាស់។

s ហើយចំនុចទី៥គឺៈ ការពិបាកដ៏ធំមួយសព្វថ្ងៃនេះគឺការចាស់នៃសង្គម។ ប្រជាពលរដ្ឋនៅលើសាកលលោកនេះកាន់តែចាស់ទៅៗ។ លោក ប៊ីត បានប៉ាន់ប្រមាណថា នៅឆ្នាំ ២០៥០ ភាគរយនៃមនុស្សដែលមានអាយុលើសពី ៦០ឆ្នាំ នឹងកើនពី ២១ ភាគរយ នៅពេលបច្ចុប្បន្ន ទៅ ៣២ ភាគរយ នៅប្រទេសកំពុងអភិវឌ្ឍន៍ និងពី ៨ ទៅ ២០ ភាគរយ នៅប្រទេសដែលមិនសូវជឿនលឿន។