២១៣. ខ្ញុំចង់នៅជិតព្រះអង្គ

I Want to be Near God

១- ខ្ញុំចង់នៅជិតទ្រង់    ឱព្រះយេស៊ូវអើយ      សូមទ្រង់ប្រាសមេត្តាឱ្យខ្ញុំ
បាននៅជិតជាប់ជាមួយព្រះអង្គ នោះព្រលឹងខ្ញុំបាន
ឆ្អែតស្កប់ស្កល់ស្រាកស្រាន្ត      ដោយព្រះគុណដែលទ្រង់បានផ្តល់មកផង
សូមជួយកែតម្រង់    ដោយព្រះទ័យប្រណីមេត្តាអាណិត  ។

២- ខ្ញុំចង់នៅជិតទ្រង់     ជិតជានិច្ចរាល់ថ្ងៃ     ឱ្យទ្រង់ឆ្នៃសូនប៉ាន់ព្រលឹង
ផងខ្ញុំដែលខូចខ្ទេចខ្ទាំជាពិត     ខ្ញុំចង់តាមទ្រង់ណាស់
ចង់ស្តាប់ព្រះអង្គច្បាស់    ដើម្បីបានប្រកបនឹងទ្រង់យ៉ាងស្និទ្ធ
សូមនាំខ្ញុំមកជិត    ដាក់នៅជាប់ហើយផ្អោបនឹងព្រះឱរា ។

៣- ខ្ញុំចង់នៅជិតទ្រង់    ចង់បានកម្លាំងថ្មី    កម្លាំងខាងសាច់ឈាមនោះមាន
ប្រយោជន៍បានត្រឹមនៅនាលោកា    បើកម្លាំងទ្រង់ឱ្យ
ខ្ញុំនឹងមិនដែលខ្សោយ      ជាកម្លាំងដ៏មានអំណាចចេស្តា
ឱព្រះដ៏អស្ចារ្យ         សូមជួយួខ្ញុំឱ្យមានកម្លាំងវិញ្ញាណ ។

៤- ខ្ញុំចង់នៅជិតទ្រង់      ដើម្បីបានបំរើ     តាមតែទ្រង់ចង់ប្រើឱ្យខ្ញុំ
ធ្វើការយ៉ាងណាដែលល្អរកគ្មាន    គឺកិច្ចការយ៉ាងធំ
ការប្រសើរឧត្តម      ដែលអាចជួយឱ្យមនុស្សផ្លាស់ប្រែចិត្តបាន
ឱ្យគេបែរវិលថ្កាន     មកឯព្រះសង្គ្រោះដ៏មានចេស្តា ៕