២៣២. ឱ្យត្រូវសេចក្តីល្បួង

Under Temptation
បទភ្លេងនិង​ទំនុកៈ ឈ. ហ៊. គៀង, ១៩៨៤

១- ជួនកាលព្រះអម្ចាស់        បើកឱ្យកើតមានសេចក្តីល្បួង
មកដល់យើងតែម្តង          ប្រយោជន៍ឱ្យយើងចេះប្រុងប្រៀប
កាលណាការណ៍កើតឡើង       គួរយើងដឹងថាព្រះទ្រង់រៀប 
ផ្លូវឱ្យយើងជៀសបាប     ក្រែងជំពប់ដួលហួសប្រមាណ   ។

២- ប្រៀបដូចត្របកភ្នែក         តើកំទេចចង់ចូលតាមណា
វាធ្មេចបិទការពារ              ខ្លាចមានការណ៍ចូលនាំរំខាន
ព្រះគង់នៅជិតកុំខ្លាច           គ្មានអ្វីអាចមកប៉ះពាល់បាន
កូនព្រះដឹងប្រមាណ            ដ្បិតយើងមានព្រះគង់ក្នុងខ្លួន ។

៣- ការល្បួងតែងកើតឡើង       ដោយសារយើងមិនប្រុងប្រយត្ន័
ចំណង់សាច់ឈាមរិត           ឱ្យដួងចិត្តត្រូវចាប់អង្រួន
ធ្លាក់ចូលក្នុងអន្ទាក់                 មានគ្រោះថ្នាក់ជំពប់ដួលផ្នួន
ចាក់ទម្លុះទាំងខ្លួន              មិនមាំមួនត្រូវអន្តរធាន ។

៤- ព្រះចង់ល្បងជំនឿ              ឱ្យយើងដើរអែបជាប់ព្រះអង្គ
មានការត្រូវពឹងទ្រង់           ដ្បិតព្រះអង្គជួយយើងមិនខាន
ល្បងជាប់ឡើងថ្នាក់ថ្មី          ថ្នាក់ពេញវ័យអាងជំនឿបាន
តាំងទ្រង់ទុកក្នុងប្រាណ         ល្បួងប៉ុន្មានយើងត្រូវជៀសផុត ៕