២៥៧. យើងនឹងចូលក្នុងទីក្រុងបរិសុទ្ធ

We Will Enter the Holy City
លំនាំបទៈ ស្រអែមផល្លា 

១- ចូរអរសប្បាយ            ឱពួកបរិសុទ្ធព្រះអើយ      ថ្ងៃជិតដល់ហើយ
យើងនឹងបានចូលក្រុងថ្មី    ក្រុងនៃឋានសួគ៌      ពេញដោយសិរីសួស្តី
រុងរឿងថ្លាថ្លៃ      ជាស្នាព្រះហស្តព្រះពិត  ។
    
អ្នកដែលចូលបាន       គឺពួកអស់អ្នកបរិសុទ្ធ      មានឈ្មោះបានកត់
នៅក្នុងបញ្ជីជីវិត     បានស្អាតបរិសុទ្ធ    ដោយលាងនឹងព្រះលោហិត
ព្រះយេស៊ូវពិត  តាមបញ្ញត្តិព្រះបិតា   ។

២- ចូរមានសង្ឃឹម       បានច្បាប់ដល់ដើមជីវិត      ដោយក្តីសុចរិត
ចូលក្នុងទីក្រុងតាមទ្វារ    ធ្វើពីមាសសុទ្ធរំលេច       ដោយកែវមុក្តា
មិនបាច់ត្រូវការ   ចង្ក្រៀងឬពន្លឺថ្ងៃ  ។

យើងនឹងបានទៅ   ជិតព្រះហើយនឹងកូនចៀម    ដែលបានយកឈាម
ប្រោសលោះបង់រួចតាមថ្លៃ   តាំងជាកូនព្រះ  គ្រងរាជ្យដោយទ្រង់ប្រណី
មិនដែលមានថ្ងៃ      រលត់ផុតបាត់ទៅឡើយ ៕