១៤៦. តើអ្នកណាដឹងពេល?
បទភ្លេង និងទំនុកៈ លោក សម សារិន, ១៩៨៤
១- គ្មានអ្នកណាដឹងពេលទេ ទោះទាំងពួកមហាទេវតា
ថាព្រះគ្រីស្ទមកពេលណា តែព្រះវរបីតាទ្រង់ជ្រាប។
ពេលព្រះគ្រីស្ទយាងមកវិញ ស្រាប់តែលេចលើពពក
ពួកបរិសុទ្ធហែហមមក មានសិរីល្អអស្ចារ្យ ។
បន្ទរ- ត្រូវតែចាំយាម ត្រូវតែចាំយាម ហើយអធិស្ឋានសូមទ្រង់ឆាប់យាងមក
គ្មានអ្នកណាដឹងពេលទេ នៅពេលណាគ្មាននឹកភ្នក
ថ្ងៃទ្រង់ដល់នឹងត្រូវមក ប្រៀបបាននឹងផ្លេកបន្ទោរ ។
២- ពេលព្រះគ្រីស្ទទ្រង់លេចមក ពួករើសតាំងអសប្បាយ
ថ្ងៃប្រោសលោះមកដល់ហើយ ក្តីសង្ឃឹមដូចប្រាថ្នា ។
គ្រប់ពូជមនុស្សបានឃើញទ្រង់ លុតជង្គង់គក់ឱរា
ខ្មាស់អស់ទាំងពួកទេវតា ទួញស្តាយការមិនព្រមជឿ។
៣- ត្រូវចាំយាមកុំឱ្យភ្លាត់ ដោយមានចិត្តជឿយ៉ាងជាប់
កុំចាញ់មេល្បួងបន្លប់ ឱ្យពួកឡកឡឺយបង្វែង ។
ចូរប្រុងប្រៀបចាំថ្ងៃទ្រង់ ពេលមកដល់នោះជាក់ស្តែង
បើភ្លាំងភ្លាត់ត្រូវបង្វែង ពេលទ្រង់មកជាប់មានទោស៕
១៤៦. តើអ្នកណាដឹងពេល?
Reviewed by Yarith
on
11:09 AM
Rating:
No comments: