សុខភាព ១២ កំរិតនៃសុខភាពដ៏ល្អបំផុត (ចប់) | Voice of Hope Studio

Health & Welfare Chapter 12 Health to the Max | Voice of Hope Studio

នៅខែមេសាឆ្នាំ ២០១៣ ទីក្រុង Saint Augustine រដ្ឋ Florida បានប្រារព្ធ ខួបលើកទី ៥០០ នៃការរកឃើញកន្លែងទឹកផុសមួយ ដែឡ​គេ​ឲ្យ​ឈ្មោះថា “ទឹកផុសនៃយុវភាភព” (the Fountain of Youth)។ ទឹកផុសនៃយុវវ័យនេះ គឺជាកន្លែងទឹកបាញ់ចេញពីក្នុងដី ដែលតាមរឿងព្រេងនិទានថា នឹងស្តារសុខភាពនិងកាយសម្បទារបស់អស់អ្នកដែលបានផឹកឬងូតទឹកដែលផុសឡើងមកនោះឲ្យបានល្អឡើងវិញ។ 

នៅសតវត្សរ៍ទីដប់ប្រាំមួយ រឿង អំពីការព្យាបាលដោយទឹកនេះ បានធ្វើឲ្យ​មានការទាក់ទាញចិត្ត​​ដល់​អ្នករុករកជនជាតិ អេស្ប៉ាញម្នាក់ឈ្មោះ ប៉ុនស៍ ដឺឡេអុង (Ponce de Leon) ហើយ ទឹកផុសនៃយុវវ័យនេះបានក្លាយទៅជាឧទ្យានបុរាណវិទ្យា ដែល​មានទី​តាំង​នៅក្នុង​ទីក្រុង St. Augustine ។

ឧទ្យាននេះ ផ្តល់ជាវិភាគទានដល់​កន្លែង​ដែល​ពី​បុរាណ្យកាល​មក​គេ​តែង​និយាយថា លោក ប៉ុនស៍ ដឺឡេអុង (Ponce de Leon) គឺអ្នកទីមួយដែលបានចូលមកកាន់ទឹកដីអាមេរិក ទោះបីជាមិនមានឯកសារច្បាស់លាស់ ជាសំណេរផ្ទាល់របស់គាត់ ថាគាត់បានរកឃើញទឹកផុសនេះក៏ដោយ។

លោក Nathaniel Hawthorne និងអ្នកនិពន្ធផ្សេងៗទៀតបានប្រើពាក្យប្រៀបធៀប ពីទឹកផុសនៃយុវវ័យក្នុងរឿងនិទានរបស់ពួកគាត់។ សូម្បីតែក្រុមហ៊ុន Walt Disney នៅសហរដ្ឋអាមេរិកក៏បានចូលរួមសំដែងរឿងនេះ ដោយការបង្កើត ខ្សែភាពយន្ត​គំនូជីវចល​ខ្លីៗ ដែលគេ​និយមហៅថា រឿង​តុក្កតា ដែលទាក់ទងនឹងរឿងព្រេងនេះដែរ។ រឿងនោះ​មាន​ចំណងជើង​ថា “Donald Duck - Don's Fountain of Youth” ចេញនៅឆ្នាំ1953។

ដំណើររឿងដែលដំណាលតៗគ្នាអំពីទឹកផុសបែបនេះ បានកើតមានឡើងនៅ ទូទាំងពិភពលោក អស់ រយៈ ពេលរាប់ពាន់ឆ្នាំ នៅក្នុងសំណេររបស់លោក Herodotus កំណត់ត្រារបស់មហារាជ Alexander the Great និងរឿងរបស់លោក Prester John មានប្រជាប្រិយភាពជាខ្លាំង នៅក្នុងចំណោមមនុស្សជាច្រើននៅអ៊ឺរ៉ុប តាំងពីសតវត្សរ៍ទីដប់ពីរ រហូតដល់សតវត្សរ៍ទីដប់ប្រាំពីរ។ រឿងព្រេងស្រដៀងគ្នានេះ ក៏បានលេចធ្លោឡើងនៅក្នុងចំណោមជនជាតិដើម Caribbean ដែលបានទិទានរឿងព្រេងស្តីពីអំណាចនៃការព្យាបាលដោយទឹកនៅក្នុងទឹកដីស្រុក Bimini ។​

ទោះជាយ៉ាងនេះក្តី ក៏បញ្ហាទឹកផុសសំរាប់យុវវ័យនេះ បង្ហាញថាអ្នកដែលបានទទួលទានទឹក "វេទមន្ត" និងងូតទឹកផុសនោះ នៅតែចាស់ នៅតែឈឺ ហើយ នៅតែស្លាប់ដដែល។

បើទោះបីជាភ្ញៀវទេសចរណ៍រាប់សែននាក់បានមកទស្សនា ទឹកផុសសំរាប់យុវវ័យនៅរដ្ឋ St. Augustine រៀងរាល់ឆ្នាំក៏ដោយ ក៏សុខភាពរបស់ពួកគេមិនបានល្អប្រសើរជាងមុនដែរ។

មនុស្សរាប់លាននាក់នៅទូទាំងពិភពលោកស្វែងរក "ទឹកផុស" សំរាប់​យុវវ័យដ៏អស់កល្បរបស់ពួកគេ។ ទោះបីជារបបអាហារធម្មជាតិ ដែលមានមូលដ្ឋាននៅលើរុក្ខជាតិ ការហាត់ប្រាណយ៉ាងលំបាកលំបិន ការគិតវិជ្ជមាន ឬខំប្រើ​ឡេល្អៗដើម្បីបំបាត់ ស្នាមជ្រួញជាដើម គឺយើងទាំងអស់គ្នាសុទ្ធតែចង់បាននូវអ្វីដែលនឹងបន្លាយជីវិតរបស់យើងឲ្យបានវែង និងចង់ឲ្យយុវវ័យរបស់យើងនៅគង់វង្សជារៀងរហូត។ នៅក្នុងពួកយើងម្នាក់ មានសេចក្តីប្រាថ្នាមួយដែលព្រះបានដាក់ចូលមក គឺការចង់រស់នៅក្នុងជីវិតដែលមានអាយុវែង មានសុខភាពល្អ និងមានសុភមង្គល។ ជាការពិត យើងចង់ឲ្យជីវិតពេញបរិបូរជាទីបំផុត ហើយគោលការដែលបានពិភាក្សានៅក្នុងមេរៀននេះនឹងជួយយើងឲ្យរស់នៅក្នុងជីវិតពេញលេញបរិបូរ និងយឺនយូរ ប៉ុន្តែគោលការណ៍ទាំងនោះនឹងមិនអាចឲ្យយើងរស់នៅជារៀងរហូតអស់កល្បបានទេ។