សុខភាព ៥ ទំនាក់ទំនងដែលនាំមកនូវសុខភាពល្អ | Voice of Hope Studio

Health & Welfare Chapter 05 A Healthy Communication | Voice of Hope Studio

នាង អេសធើរ បានអង្គុយក្នុងបន្ទប់ពិគ្រោះយោបល់ ដោយទ្រោប​នៅលើកៅអីរបស់នាង។ ​ទោះបី​ជា​មានអាយុទើបតែ ២៤ឆ្នាំក៏ដោយ ក៏ទុក្ខកង្វល់បានធ្វើឲ្យភ្នែករបស់នាងងងឹតឈឹងដែរ ។   ហា់​ដូច​ជា​​មានអ្វីមួយ​ ឬមាន​នរណាម្នាក់បានមក​ប្លន់ សេចក្តីអំណរ របស់នាងយកទៅបាត់ហើយ។ នាងបានសារភាពទាំងស្ទាក់ស្ទើរថា​ នាងមានបញ្ហាសុខភាពជាច្រើនយ៉ាង តែនាងមិនដែលបានទៅជួបវេជ្ជបណ្ឌិតទេ។ នាងបានពិពណ៌នា​ប្រាប់ អំពី​រអំពើ​ហឹង្សា​ ដែល​ឪពុក​ម្តាយរបស់នាងបានវាយដំ​នាង​ ដោយព្រោះ​តែ​នាង បានដេកនោមដាក់កន្ទេលតាំងពីនាង មានអាយុ​៣ឆ្នាំមក​ម្លេះ។​ ពេលនាងធំឡើង ការនោមយប់ដែលនាងទប់មិនបាននោះនៅតែបន្ត ដូចកាលដែល​នាងត្រូវម្តាយវាយដដែល។ ការភ័យខ្លាចចំពោះការឈឺចាប់ ដោយសារប៉ះពាល់នឹងអ្វីមួយ កាន់តែរីកធំឡើងហួសពីការគ្រប់គ្រងរបស់នាង​។ នៅពេលដែលនាង អេសធើរ បានធំពេញវ័យ នាងនៅតែមានបញ្ហា​ក្នុងការគ្រប់គ្រងប្លោកនោម​របស់នាង​ ហើយនាងក៏បានជួបប្រទះនឹងក្តីស្រមៃមិនល្អ ព្រមទាំងគិតថាខ្លួនជាមនុស្សមិនមានតម្លៃ។ នាងបាននិយាយថា «ខ្ញុំមានការអៀនខ្មាសណាស់ ហើយខ្ញុំគិតថា​គ្មាននរណាម្នាក់ចង់រៀបការ​ជាមួយ​ខ្ញុំ​ទេ ខ្ញុំសូមអរគុណដល់ព្រះដែលខ្ញុំបានរៀបការ»។​

ពេលដែលនាង អេសធើរ បានចាកចេញពីផ្ទះរបស់ឪពុកម្តាយនាង ហើយបានទៅរស់នៅជាមួយប្តី​ដែលចេះគាំទ្រ និងមានចិត្ត​សប្បុរសរបស់នាងមក ការបត់ជើងដោយមិនដឹងខ្លួន​របស់នាងកាន់តែ​ថយទៅៗ​ ទោះបីជាសុបិនអាក្រក់ និងជាការឈឺក្បាលនៅតែកើត​មានក៏ដោយ។ ជាទូទៅនាងបានឃើញថា​នៅ​យប់ណា​ដែលនាងសុបិនអាក្រក់ នាងតែងតែភ្ញាក់ដឹងខ្លួនឡើងឃើញគ្រែនាងសើមជានិច្ច។ នាង​ក៏មានការភ័យស្លន់ស្លោភ្លាម ដែលធ្វើឲ្យញ័រដើមទ្រូង និងហត់ផងដែរ។ នាងអេសធើរ មិនបាន​ប្រាប់ប្តីនាងអំពីប្រវត្តិនៃការវាយ​ធ្វើ​បាប​មក​លើ​រូប​នាងទេ ដោយភ័យខ្លាចក្រែងគាត់មិនយល់។​ តែ​រូប​នាង​ចង់ឱ្យ​គេជួយទាំងអៀនខ្មាស។

រោគសញ្ញារបស់នាងគឺមានជាទូទៅនៅក្នុងជំងឺបាក់ស្បាត ដែលកើតឡើង​នៅក្នុង​មនុស្សដែលធ្លាប់ទួលរង​នូវ​ការប៉ះទង្គិចយ៉ាងខ្លាំង។​ មានមនុស្សជាច្រើនបានប្រឈមនឹងជំងឺដ៏អាក្រក់នេះ​​យ៉ាង​ស្ងៀមស្ងាត់ ​ដែលជា​លទ្ធផលនៃការរំលោភបំពានកាលនៅវ័យក្មេងដូចជានាងដែរ។

ទំនាក់​ទំនង​ដ៏ជ្រៅ និង​មានន័យបំផុតរបស់យើង​គឺ យើង​មិន​ដឹង​ថា​មានអ្វី​បាន​កើតឡើង​នៅ ខាង​ក្នុង​ផ្ទះ​ដែល​មាន​ទ្វារ​បិតជិត​នោះទេ ដែល​អាចមានឥទ្ធិពលយ៉ាងខ្លាំងទៅលើសុខភាព និងសុខុមាលភាពនៃជីវិតរបស់មនុស្ស​ម្ម្នាក់​ៗ​ដែល​ទទួល​រងគ្រោះ​នោះ។