សុខភាព ៦ ការគិត | Voice of Hope Studio

Health & Welfare Chapter 06 You Are What You Think | Voice of Hope Studio

តើលោក​អ្នកធ្លាប់ឆ្ងល់ទេថា ហេតុអ្វីបានគំនិតអវិជ្ជមាន កើតឡើងច្រើនលើសលុបនៅក្នុងគំនិតរបស់អ្នកជាញឹកញាប់? តើ​លោក​អ្នក​ធ្លាប់​គិតទេថា ត្រូវធ្វើយ៉ាងណា ដើម្បីផ្លាស់ប្តូរគំនិតអវិជ្ជមាននេះឲ្យទៅជាគំនិតវិជ្ជមានវិញបាន? តើលោក​អ្នកធ្លាប់បាន​កត់​សម្គាល់ពីឥទ្ធិពលនៃរបៀប​ដែលលោក​អ្នកគិ​ត​ទៅលើអ្វីដែលអ្នកធ្វើ​ នៅពេលប្រឈមមុខ​នឹង​ការសម្រេចចិត្តខាងសីលធម៌ដ៏សំខាន់ ឬគ្រោះកាចដែលទាក់ទងនឹងសីលធម៌ ដែរឬទេ?

នៅពេលដែលក្រុមអ្នកស្ម័គ្រចិត្ត បានទ្រាំអត់ងងុយមិនទទួលទានដំណេកពីរយប់​ អ្នកស្រាវជ្រាវខាងកងទ័ពបានរកឃើញថា ការទទួលទានដំណេកមិនគ្រប់គ្រាន់នេះ​ បានបង្ខាំងសមត្ថភាពនៃការ​សម្រេចចិត្ត​របស់អ្នកដែល​អ្នកទទួលទានដំណេកមិនគ្រប់គ្រាន់។ នៅក្នុងការប្រឈមមុខនឹងការពិបាកខាងសីលធម៌ នៅពេលពិបាកចិត្ត។ ទោះជាយ៉ាងនេះក្តី ប្រហែលសំខាន់ជាងនេះទៅទៀតនោះគឺថា នៅពេលដែលអ្នកស្ម័គ្រចិត្តផ្លាស់ប្តូរគំនិតរបស់គេទាក់ទងនឹងអ្វីដែលត្រឹមត្រូវខាងសីលធម៌ ដែលជាលទ្ធផលនៃការទទួលទានដំណេកមិនគ្រប់គ្រាន់ នោះ​មិនមែនករណីទូទៅទេ។ នៅដើមដំបូងនៃកាសិក្សានេះ អ្នកដែលមានពិន្ទុខ្ពស់នៅក្នុងការវាស់វែងមួយដែលគេស្គាល់ថា "ជាការប៉ិនប្រសប់ខាងអារម្មណ៍"  នោះមិនបានងាករេចេញពីអ្វីដែលគេបានរកឃើញថាត្រឹមត្រូវខាងសីលធម៌នោះទេ។

ការសិក្សាដទៃទៀតជាច្រើនជួយបញ្ជាក់ពីសេចក្ដីពិតដ៏អស់កល្ប​មួយនៅក្នុងគម្ពីរសុភាសិត ២៣:៧ ដែលចែងថា «គេគិតក្នុងចិត្តយ៉ាងណា​គេក៏ដូច្នោះដែរ"។ របៀបដែលយើង​ពិចារណារៀបចំការឆ្លើយតបរបស់យើងទៅនឹងជីវិត។ គំនិតរបស់យើងគ្រប់គ្រងលើ​អ្វីដែល​យើង​​ធ្វើ។ ការប្រព្រឹត្តរបស់យើង តែងតែធ្វើតាមអ្វីដែលនៅក្នុងចិត្តរបស់យើង។ យើង​ធ្វើ​សកម្មភាព​​ចេញមកនូវរូបភាពដែលយើងមាននៅក្នុងសតិរបស់យើង។ ប្រាកដ​ណាស់​ យើងទាំងអស់គ្នាត្រូវតែ​ប្រឈម​នឹងគ្រោះអាសន្ននៃការចោទប្រកាន់ខាងលីលធម៌ធ្ងន់ធ្ងរមកលើ​អារម្មណ៍ យ៉ាងហោចណាស់ក៏ពីរបីដងដែរ នៅក្នុងជីវិតរបស់យើង។ ហើយនៅពេលយើង​មានបញ្ហា​​នេះ​​កើតឡើង ​តើយើងនឹង​ឆ្លើយ​តបទៅ​វិញដោយរបៀបណា? នៅក្នុងឱកាសបែបនេះ ​ការប៉ិនប្រសប់ខាងអារម្មណ៍ ប្រហែលជាក្លាយទៅជា​សញ្ញាវិជ្ជមាន។

ចា! តើការប៉ិនប្រសប់ខាងផ្លូវចិត្តគឺជាអ្វី? តាមប្រពៃណីយើងយល់ថា​ ការប៉ិនប្រសប់គឺជាចំណេះដែលយល់ដឹង ឬសមត្ថភាពខាងគំនិតរបស់មនុស្សម្នាក់ មធ្យោបាយដែលគេប្រើសម្រាប់វាស់វែងការប៉ិនប្រសប់ខាងអារម្មណ៍នេះគឺជាការសាកល្បងមួយដែលភាសាអង់គ្លេសហៅថា IQ ពាក្យពេញគឺ Intelligence quotient ដែលប្រែថា ផលចែកនៃប្រាជ្ញា។