សុខភាព ៤ ការហាត់ប្រាណ | Voice of Hope Studio

Health & Welfare Chapter 04 Fit for Life | Voice of Hope Studio

អង្គការអាជីពនាំមុខគេនៅលើពិភពលោកមួយ ទាក់ទងនឹងទស្សនវិជ្ជានៃការហាត់ប្រាណ គឺ​សាកលវិទ្យាល័យអាមេរិកាំង ខាងកីឡានិងវេជ្ជសាស្ត្រ បានរៀបចំខ្នាតនៃកម្រិត​សំរាប់​ការហាត់ប្រាណ​ដើម្បីឲ្យមានសុខភាពល្អ។ នៅក្នុងមួយសប្តាហ៍ យើងម្នាក់ៗត្រូវការការហាត់ប្រាណក្នុងកម្រិតមធ្យម​យ៉ាងហោចណាស់ ១៥០ នាទី ទៅ១៨០ នាទី ក្នុង​១សប្ដាហ៍ ឬ៣០នាទីក្នុងមួយថ្ងៃ​ ឬ​អាច​លើ​នេះ​រិទ្ធតែ​ល្អ​ប្រសើរ​។ សម្រាប់មនុស្សភាគច្រើន​​ នេះគឺជាគោលដៅមួយដែលគេ​អាច​សម្រេចបាន។ ការហាត់ប្រាណដែលយើងត្រូវធ្វើមាន​ការដើរតាមចិញ្ចើមថ្នល់ តាមផ្លូវក្នុងព្រៃ ​ជិះកង់​សម្រាប់ហាត់ប្រាណ ​។ ​ប៉ុណ្ណឹងក៏​ល្មមគ្រប់គ្រាន់សម្រាប់លោក​អ្នក​​ទៅហើយ លោក​អ្នកមិនចាំបាច់ធ្វើជាអ្នករត់ប្រណាំង ​ឬ អ្នកលើកទម្ងន់លំដាប់ពិភពលោក ទើបហៅថា​ហាត់ប្រាណគ្រប់គ្រាន់នោះទេ។ ការដើរលឿន ៣០នាទីក្នុងមួយថ្ងៃ ប្រាំដងក្នុងមួយសប្តាហ៍​ ក៏​ល្មម​គ្រប់គ្រាន់ដែរ​។ ការស្រាវជ្រាវថ្មីមួយបានបង្ហាញថាយើងមិនចាំបាច់ហាត់ប្រាណទាំងអស់​នៅពេល​តែមួយទេ។ លោក​អញនក​ក៏​អាច ហាត់​ប្រាណ​ម្ដង​ ១០នាទី មួយថ្ងៃហាត់​ប្រាណបីដង ផ្តល់នូវផលប្រយោជន៍ដូចគ្នា​នឹងហាត់ប្រាណ​ម្តង៣០ នាទីដែរ។

ចា! ជាការពិតណាស់ ការដែលគ្រាន់តែអាននិងនិយាយអំពីការហាត់ប្រាណ នោះមិនទាន់គ្រប់គ្រាន់​ទេ​ លោក​អ្នកត្រូវតែហាត់ប្រាណ​តែម្តង! មានម្នាក់បាននិយាយថា «ការ​និយាយអំពីការដើរទាំងអស់​ នោះ​មិន​កើតជាការដើរទេ"។ សូមពិនិត្យឡើងវិញពីទម្លាប់របស់លោក​អ្នកកន្លងមក សូមវាយតម្លៃពី​ទម្លាប់ទាំងនោះ នៅពេលបច្ចុប្បន្ននេះ ​ហើយសម្រេចថាលោក​អ្នកចង់ឱ្យទម្លាប់ទាំងនោះក្លាយទៅជាយ៉ាងណា។ សូមកុំបារម្ភថាតើលោក​អ្នកនឹងទទួលបានជោគជ័យឬអត់។ គ្រាន់តែតាំងចិត្តធ្វើឲ្យអស់ពីសមត្ថភាចាប់ពី​ពេលនេះតទៅ។ រួចសូមចាប់ផ្តើមចុះ។