សុខភាព ៣ តើគ្រោះថ្នាក់អ្វីខ្លះដែលអ្នកប្រឈមមុខរាល់ថ្ងៃ | Voice of Hope Studio

Health & Welfare Chapter 03 Are You Facing Danger? ​| Voice of Hope Studio

លោក ចូ (Joe) អស់កម្លាំងនិងមានដង្ហើមខ្លីៗ។ សូម្បីតែភារកិច្ចរាងកាយសាមញ្ញៗ បំផុតដូចជាការដើរជុំវិញផ្ទះ ឬដើរទៅកាន់រថយន្តនោះ ក៏បានធ្វើឲ្យគាត់ពិបាកដកដង្ហើមដែរ។ គាត់បានអង្គុយក្នុងការិយាល័យរបស់វេជ្ជបណ្ឌិត ហើយមានការធ្លាក់ទឹកចិត្ដ និងមានទុក្ខព្រួយជាខ្លាំង។ គាត់មិនបានស្រកទម្ងន់ទេ តាំងពីការមកជួបវេជ្ជបណ្ឌិតកាលពីពីរខែមុនមក។ រឿងដែលស្មុគស្មាញនោះគឺ គាត់នៅតែជក់បារី ហើយការធ្វើតេស្តជាតិស្ករក្នុងឈាមរបស់គាត់បង្ហាញ ថាមានកម្រិតខ្ពស់ខុសពីធម្មតាច្រើនមែនទែន​។ ប៉ុន្ដែគាត់នៅតែមិនអាច​ទប់ទល់​ នឹងនំដាក់ស្ករ ដែលគាត់បរិភោគជារៀងរាល់ព្រឹក រួមជាមួយនឹង​ភេសជ្ជៈកាហ្វេ ឬកូឡាបានដដែល។ ជាលទ្ធផលនៃជំងឺទឹកនោមផ្អែមប្រភេទទី២របស់គាត់ ការជក់បារី ការធាត់ និងរបៀបរស់នៅបែប​សុខស្រួលយ៉ាងខ្លាំងរបស់គាត់ មិន​បានផ្លាស់​​ប្ដូរឡើង អញ្ចឹងហើយ​បាន​ជាលោក ចូ (Joe)  ធ្លាប់​មានគាំងបេះដូងលើកដំបូងកាលពីពីរឆ្នាំមុន ក្នុងអាយុ ៣៥ ឆ្នាំ។ វាជាការមួយដ៏ធំដែលបន្សល់ទុកឲ្យគាត់នូវស្នាមដ៏ធំនៅលើសាច់ដុំបេះដូងហើយនិងជំងឺខ្សោយបេះដូង។

ចា! ដោយការអៀនខ្មាសបន្តិច លោក ចូ​ សម្តែងការព្រួយបារម្ភរបស់គាត់ជំរាបទៅលោកគ្រូពេទ្យថា "មែនហើយលោកគ្រូពេទ្យ ខ្ញុំដឹងថាលោកនឹងមិនសប្បាយ​ចិត្តនឹងខ្ញុំ ក្នុងការដែលខ្ញុំមិនបានព្យាយាមសម្រក ទម្ងន់របស់ខ្ញុំ ​ហើយខ្ញុំនៅតែជក់បារីបន្តិចបន្តួច សូមអភ័យទោស លោកគ្រូពេទ្យ! ខ្ញុំមិនចង់ឲ្យលោកខកចិត្តទេ”។

តែ លោកគ្រូពេទ្យ បានខិតខំលើកទឹកចិត្តគាត់ ដោយចិត្តសប្បុរស ទាំងចង្អុលបង្ហាញពីការគាំងបេះដូងបានបណ្តាលឲ្យប៉ះពាល់ដល់សមត្ថភាពនៃការច្របាច់ឈាមនៃរបស់បេះដូង ជំងឺទឹកនោមផ្អែមដែលមិនអាចគ្រប់គ្រងបាន ការបន្តប្រើប្រាស់បារី និងការលើសទម្ងន់របស់គាត់ ប្រសិនបើគាត់មិនព្យាយាម ធ្វើឲ្យមានការផ្លាស់ប្តូរយ៉ាងខ្លាំងទេ​ នោះគាត់នឹងអាចស្លាប់ទាំងនៅវ័យ​ក្មេង។ ចម្លើយតបរបស់លោកចូ​ គួរឲ្យកត់សំគាល់ខ្លាំងណាស់ “ចុះប្រសិនបើមានការផ្លាស់  ប្តូរបេះដូងវិញលោកគ្រូពេទ្យ? ខ្ញុំធ្លាប់បានឮអំពីការនេះ។ តើខ្ញុំអាចទទួលបេះដូងថ្មីបានទេ?

លោកគ្រូពេទ្យនិយាយ “ខ្ញុំចង់ឲ្យមានភាព​ងាយស្រួល ហើយសាមញ្ញដូច្នោះដែរ។  បេះដូងដែលគេ​ឲ្យ​នោះ អាចប្រើបានតែក្នុងរយៈពេលខ្លីប៉ុណ្ណោះ បន្ទាប់មក ត្រូវប្រើថ្នាំពេទ្យអស់រយៈពេលរាប់ឆ្នាំតទៅទៀត​។ វិធីនេះគឺជាមធ្យោបាយ​ចុងក្រោយបំផុតដែលអាចជួយបាន ប៉ុន្តែមានមនុស្សតិចតួចណាស់ដែលមានជោគជ័យ។ លោកត្រូវតែមានការផ្លាស់ប្តូររបៀបរស់នៅរបស់លោក ហើយត្រូវចាប់ផ្តើមពីឥឡូវនេះទៅ”។ ទីបំផុតលោកចូ​ បានយល់ពីភាពធ្ងន់ធ្ងរនៃស្ថានភាពរបស់គាត់ ហើយបានចាប់ផ្តើមរៀបចំរបៀបរស់នៅរបស់លោកសារជាថ្មី។

ចា! ពិតមែនហើយ! បុរសនិងស្ត្រីរាប់លាននាក់នៅលើពិភពលោកនេះ កំពុងតយុទ្ធជាមួយនឹងជំងឺដែលមិនបានប្រាប់ឲ្យដឹងជាមុន ដូចលោក ចូ នេះស្រាប់ នូវជំងឺ១ចំនួនដូចជា ជំងឺបេះដូង ជំងឺមហារីក ជំងឺផ្លូវដង្ហើម​និងជំងឺទឹកនោមផ្អែមជាដើម។ ពួកគេស្ថិតនៅក្រោមកត្តាគ្រោះថ្នាក់ចម្បងចំនួនបួន គឺទី១ ការប្រើប្រាស់ថ្នាំជក់ ទី២គឺ អសកម្មភាពនៃរាងកាយ មានន័យថា លោកអ្នក​មិបានហាត់ប្រាណទៀតទាត់​ ទី៣ ការសេព​គ្រឿងស្រវឹង និងទី៤គឺ ការបរិភោគអាហារដែលគ្មានសុខភាពល្អ។ លោក​អ្នកអាចប្រឈមនឹងគ្រោះថ្នាក់ ហើយលោក​អ្នកមិនទាំងបានដឹងអំពីគ្រោះថ្នាក់នោះផង។