សុខភាព ៩ ការជាសះស្បើយឡើងវិញ | Voice of Hope Studio

Health & Welfare Chapter 09  Recovery | Voice of Hope Studio

សព្វថ្ងៃ​នេះ យើង​កំពុង​តែ​រស់​នៅ​ក្នុង​ពិភព​លោក​ ដែល​ពោរ​ពេញទៅ​ដោយ គ្រោះ​ថា្នក់​ដែលមាន​កំរិតខ្ពស់។ ហើយ​ជា​ពិសេស សំរាប់​យុវជន តើ​ពួកគេ​ត្រូវ​គេចចេញ​ពី​ ការប្រើប្រាស់ស្រា កញ្ឆា កូកាអ៊ីន និង អាំហ្វេតាមីន ដោយរបៀបណា?​ ចា! មានពាក្យ​មួយ​ឃ្លា​បាន​ពោល​ថា “ការតស៊ូតែងតែទទួលបានជោគជ័យ ដូច្នេះ​ សូមឱបវាឲ្យជាប់!”

ក្នុងអំឡុងពេលប៉ុន្មានទសវត្សរ៍កន្លងមកនេះ ពួកអ្នកស្រាវជ្រាវបានចាប់ផ្តើមផ្តោត ទៅលើសំណួរថា តើហេតុអ្វីបានជាយុវជនមួយចំនួន ដែលរស់នៅក្នុងបរិយាកាស ដែលមានគ្រោះថ្នាក់ខ្ពស់ មិនពាក់ព័ន្ធនឹងអាកប្បកិរិយាដែលមានគ្រោះថ្នាក់?  ទីបំផុត​ពួកគេបានបញ្ចប់សំណួរនេះ ដោយទៅណា​មិន​ឆ្ងាយពីពាក្យថា “ការឆាប់ជាសះស្បើយដូចដើមឡើងវិញ ឬអាចហៅ​ថា ភាពអត់ធន់”។​ ដែល​ភាសាអង់គ្លេស​ហៅថា “Resilience”.

ការឆាប់ជាសះស្បើយដូចដើមឡើងវិញ​ ឬភាពអត់ធន់ នេះ​គឺជាសមត្ថភាពនៃការបន្តរស់នៅប្រកបដោយសុខភាពល្អ ទោះបីមានទុក្ខលំបាកផ្ទាល់ខ្លួន មានភាពតានតឹងផ្សេងៗនៃជីវិត ឬសូម្បីតែមានបរិយាកាសប្រកបដោយការហិនវិនាសបែបណាក៏ដោយ។ ភាពអត់ធន់បែបនេះ ហាក់ដូចជាលូតលាស់ចេញពីលទ្ធផលនៃការគាំទ្រយ៉ាងទូលំទូលាយពី សង្គម​។ ទោះបីជាមានការលំបាកវេទនាធ្ងន់ធ្ងរ និងវត្តមាននៃកត្តាគ្រោះថ្នាក់ផ្សេងៗក៏ដោយ ក៏ភាពអត់ធន់នៃបុគ្គលម្នាក់ៗ បង្កើតការប៉ិនប្រសប់ខាងការដោះស្រាយបញ្ហា ដែលធ្វើឲ្យពួកគេទទួលបានជោគជ័យនៅក្នុងជីវិតដែរ។ ពួកគេមានគំនិតរឹងមាំ មានជំនឿលើព្រះ និងមានអាកប្បកិរិយាវិជ្ជមានឆ្ពោះទៅកាន់ពិភពលោកនៅជុំវិញគេ។ ដោយមានការជំរុញពីការស្គាល់គោលបំណងនៃជីវិតរបស់ខ្លួនយ៉ាងច្បាស់ ពួកគេបានមើលឃើញឧបសគ្គនៅក្នុងជីវិតថា ជាបញ្ហាដែលពួកគេអាចយកឈ្នះបាន។ ជាពិសេស ភាពធត់ធន់ហាក់ដូចជាសេចក្តីសង្ឃឹម និងជំនឿវិជ្ជមានដែលមានជីវិតប្រសើរជាឧបសគ្គនាពេលបច្ចុប្បន្ននេះ។

អស់​លោកអ្នក​ស្ដាប់ជាទី​មេត្រី! ​យើង​សព្វ​ថ្ងៃ កំពុង​តែ​រស់នៅក្នុងពិភពលោកមួយដែលមានអត្រាគ្រោះថ្នាក់កម្រិតខ្ពស់។ ទោះបីជាក្រុមគ្រួសារ ពួកជំនុំ និងសហគមន៍ខំប្រឹងប្រែងការពារពួកគេយ៉ាងណាក៏ដោយ ក៏យុវជនបច្ចុប្បន្ននេះ នៅតែរស់នៅក្នុងពិភពលោកមួយដែលពេញទៅដោយអត្រាដែលមានគ្រោះថ្នាក់កម្រិតខ្ពស់ដែរ។ សម្ភារៈផ្លូវភេទសប្បនិម្មិតជាក់ស្តែងកំពុងរង់ចាំពួកគេ ដោយគ្រាន់តែចុចនៅលើ Internet តែប៉ុណ្ណោះ ហើយយុវជនភាគច្រើនរាយការណ៍មកថា ការប្រើប្រាស់ស្រា កញ្ឆា កូកាអ៊ីន និង អាំហ្វេតាមីន គេអាចរកបានដោយស្រួល សូម្បីតែនៅក្នុងកន្លែងដែលមនុស្ស ជាច្រើនគិតថាមានសុវត្ថិភាពក៏ដោយ។ ដូច្នេះហើយ បានជាយើងចាំបាច់ត្រូវកំណត់អត្តសញ្ញាណកត្តាទាំងនោះ ដែលអាចធ្វើឱ្យយុវវ័យមួយចំនួនទទួលបានជោគជ័យ ទោះបីជាគេកំពុងរស់នៅក្នុងពិភពលោកដ៏គ្រោះថ្នាក់ក៏ដោយ។ កាលណាយើងដឹងពីរឿងនោះ យើងអាចជួយយុវជនដទៃទៀត ឲ្យប្រើប្រាស់យុទ្ធសាស្រ្តនៃការរស់នៅ ដោយ​មាន​សុវត្ថភាព​។